ߞߊ߬ߙߌ߬ߝߊ߬ߡߘߎ߬ߦߊ߫ ߕߏ߬ߟߊ߲߬ߕߊ߲߬ ߞߍߙߍ߲ߘߊ ߦߴߊ߬ ߟߊ߫ ߡߐ߰ ߕߊ ߞߊ߲߬ ߟߐ߯ߝߍ ߘߐ߫ ߖߐ߫، ߞߊ߬ߕߎ߲߯߸ ߞߍߙߍ߲ߘߊ ߓߘߊ߫ ߊߤߑߡߊߘߎ߬ ߡߊ߲߬ߛߊ߬ߙߋ߬ ߟߊߛߐ߬ߘߐ߲߬߸ ߊ߬ ߓߘߊ߫ ߞߍ߫ <<ߛߌ ߞߌߟߏ>> ߕߏ߬ߟߊ߲߬ߕߊ߲߬ߠߊ ߘߌ߫ ߡߎ߬ߕߎ߲߬، ߊ߬ ߣߊ߬ߣߍ߲߬ ߛߌ߲ߞߊߟߌ߫ ߓߟߏ ߟߋ߬ ߡߊ߬߸ ߞߊ߬ ߓߐ߫ ߞߊߟߎߡ ߍߡ.ߍߟ.ߞߊ ߘߐ߫߸ (ߊߛߏߛߌߦߊߛߌߦߐ߲ ߛߑߔߐߙߑߕߌߝ߭ ߡߏߣߎ߳ߡߊ߲ ߟߌߓߙ ߘߋ߬ ߞߊߟߎߡ).

ߞߊ߬ߙߌ߬ߝߊ߬ߡߘߎ߬ߦߊ߫ ߞߍߙߍ߲ߘߊ ߞߊ߲ߕߌ߮ ߣߌ߫ ߊߤߑߡߊߘߎ߬ ߡߊ߲߬ߛߊ߬ߙߋ߬

ߞߊ߬ߙߌ߬ߝߊ߬ߡߘߎ߬ߦߊ߫ ߞߍߙߍ߲ߘߊ ߞߊ߲ߕߌ߮ ߣߌ߫ ߊߤߑߡߊߘߎ߬ ߡߊ߲߬ߛߊ߬ߙߋ߬. © ߞߊ߲ߞߊ߲ ߛߑߔߐߙ

ߊߤߑߡߊߘߎ߬ ߡߊ߲߬ߛߊ߬ߙߋ߫ ߣߌ߲߬ ߦߋ߫ ߓߙߊ ߕߍߡߊߟߐ ߟߋ߬ ߘߌ߫߸ ߊ߬ ߝߣߊ߫ ߓߘߊ߫ ߣߊ߬ ߞߊ߬ߙߌ߬ߝߊ߬ߡߘߎ߬ߦߊ߫ ߕߏ߬ߟߊ߲߬ߕߊ߲߬ ߞߍߙߍ߲ ߝߊ߲߬ߞߊߘߏ߲߬ ߞߊ߲ߡߊ߬ ߖߌ߬ߣߍ߬ ߞߟߏߞߕߏߦߊ߫ ߕߊ߲ߠߌ߲ ߘߐ߫، ߊ߬ ߕߎ߲߬ ߓߘߊ߫ ߘߐ߬ߝߊߟߋ߲߫ ߛߓߊ߬ ߞߍ߫ ߊߍߛ ߞߊߟߎߡ ߞߣߐ߫ ߞߘߐ߬ߡߊ߲߫߸ ߦߊ߬ߣߴߊ߬ ߦߋ߫ ߣߊ߬ ߞߊߟߎߡ ߍߡ.ߍߟ.ߞߊ ߘߐ߫، ߊ߬ ߘߏ߲߬ ߞߊ߬ ߛߊ߭ ߟߊߓߐ߫ ߟߋ߬ ߊߍߛ.ߞߊߟߎߡ ߝߋߝߋ߫. 

ߞߊ߬ߙߌ߬ߝߊ߬ߡߘߎ߬ߦߊ߫ ߞߍߙߍ߲ߘߊ ߟߊ߫ ߟߊ߬ߛߋ߬ߟߌ ߘߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߕߏ߬ߟߊ߲߬ߕߊ߲߬ߠߊ ߢߌ߲߬ ߕߊ߬ߣߍ߲߫ ߘߐ߬ߝߊ߬ߟߋ߲߬ ߞߋߟߋ߲߫ ߠߋ߬ ߞߊ߲ߡߊ߬߸ ߛߴߊ߬ ߘߌ߫ ߕߏߟߏ߲߫ ߞߵߊ߬ ߛߋߞߏ ߞߍ߫ ߓߙߊ ߕߍߡߊߟߐߦߊ ߘߐ߫. 

ߞߊ߬ߙߌ߬ߝߊ߬ߡߘߎ߬ߦߊ߫ ߞߍߙߍ߲ߘߊ ߘߊߟߡߊ ߟߋ߬ ߕߏߟߏ߲ߠߊ߫ ߥߣߊ ߟߎ߬ ߞߐ߫ ߕߋ߲߬߸ ߛߴߊ߬ߟߎ߬ ߘߌ߫ ߛߊ߭ ߟߊߓߐ߫ ߘߐ߬ߝߊߟߋ߲߫ ߣߊ߬ߕߐ ߘߐ߫ ߟߌߜ߭ ߁߭ ߘߐ߫، ߊ߬ ߞߏߟߊߕߍ߮ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߫ ߥߊ߬ߣߌ߲ ߦߋ߫ ߡߍ߲ ߘߌ߫߸ ߏ߬ ߟߋ ߊ߬ߟߎ߬ ߟߊ߫ ߛߘߍߞߎߘߎ߲ ߞߍ ߘߌ߫ ߛߘߍߞߎߘߎ߲߫ ߓߟߋߓߟߋ ߘߌ߫.